27 Jan 10 News - 阿Sa籲樂壇團結

uchannel

東方日報

阿Sa籲樂壇團結

容祖兒、古巨基及蔡卓妍（阿Sa）昨日接受網上電台訪問，分享入行十年奮鬥史。剛由上海返港的祖兒甫見記者即大吐苦水：「今朝喺上海返嚟，因為太早起身，喺車上瞓着咗，突然意識到有人影緊我！朦朧間我見個司機一邊揸軚盤、一邊揸住手機，咪即刻喺倒後鏡望實佢囉！佢個眼神好閃縮同鬼祟，當時只得我、化妝師同髮型師。」

拒簽名作小懲戒

深深不忿的祖兒一直等待助手救援，她續說：「因為佢坐喺第二架車，點知去到機場，司機仲叫我幫佢簽名，我咪叫佢交部電話畀我睇，佢點知我係電腦小神童吖，真係攞畀我睇。（跟住點？）我極速搵到偷拍嗰條片，仲即刻刪除咗，仲同佢講唔幫佢簽名嚟懲罰佢。」祖兒坦言今次事件令她擔心安危：「原來呢個世界好唔安全，好似赤裸咁。（聰明？）唔係，係醒同機警。」

此外，有傳Amusic在《勁歌》頒獎禮未能為衞蘭的歌曲《就算世界沒童話》爭取「金曲金獎」，故暫不接受無綫及有線訪問作「無聲抗議」。憑歌曲《搜神記》勇奪「金曲金獎」的祖兒喪笑謂：「咁誇？冇睇報道唔識答，都有聽過《就算世界沒童話》。（邊首好聽？）梗係自己嗰首啦！」

阿Sa與古巨基則力撐祖兒的《搜神記》奪「金曲金獎」是實至名歸，阿Sa說：「冇話邊首hit啲，每個電台同電視台都有佢嘅機制。（Amusic作無聲抗議？）相信香港歌手都想香港樂壇團結，其他地方都好犀利，所以我哋要更加團結對抗。」基仔亦稱：「兩首都有聽，祖兒首《搜神記》好好聽，唔了解唔想發表意見。」

採訪：音樂組


（左起）基仔、祖兒和阿Sa在活動上笑得開懷，未被事件影響心情。


阿Sa出席活動時以過膝長靴配短裙騷美腿。


祖兒慘遭偷拍「睡姿」，雖已親手刪除片段，但她已安全感盡失。

uchannel

太陽報

祖兒被內地司機偷拍睡相

容祖兒、蔡卓妍（阿Sa）與古巨基昨日接受網上電台uChannel訪問，分享過去10年的經歷。由上海趕返港的祖兒表示，乘車往機場期間，發現司機趁他們「合埋眼」時以手機偷拍，她說：「矇矓間發現有人拍緊我，見到司機隻手揸住軚盤同手機，即刻喺倒後鏡望住佢，佢嘅眼神好閃縮同鬼祟。」慶幸她最終成功刪除偷拍短片：「去到機場，佢仲好意思叫我幫佢簽名，我咪叫佢畀部手機我睇囉！可能佢冇懷疑我係電腦小神童，真係畀咗電話我，又畀我搵到條片，即場刪除咗佢。」她坦言感覺似「赤裸裸」，並說：「呢個世界好唔安全。」

照頒傳媒大獎

另外，對於有指Amusic不滿無綫拒頒「金曲金獎」給衞蘭，故不讓衞蘭及旗下新人李治廷受訪，憑《搜神記》奪「金曲金獎」的祖兒笑說：「咁誇？（邊首好聽啲？）梗係我嗰首啦！」而阿Sa及基仔亦大讚《搜神記》好聽，阿Sa更寄語各大唱片公司及歌手團結。

由於無綫《十大勁歌金曲頒獎典禮》向HKRIA歌手派蛋，令「傳媒大獎」公信力受質疑，但《十大中文金曲頒獎禮》總監馮偉棠及製作總監周國豐昨日宣布，今年會如常頒發「傳媒大獎」，而《勁歌》的成績亦會計算在內，更指賽果並非相差太遠；至於周國豐亦為祖兒平反，認為輿論對她及其他歌手不公平。

音樂組


祖兒慶幸及時將偷拍片段刪除，以免睡相曝光！


阿Sa（左）、祖兒與基仔在活動中十分投入。